Konzärngwünn, Nettovermögä und Inveschtitionä sind under anderem Begriff, wo sit gescht im Jahresbricht vom Uhrekonzern Swatch drin schtönd. Jawoll! Nebed englisch und französisch händ sie ihri Jahresrächnig 100 prozäntig uf schwiizertütsch veröffentlicht. Mir händ gmeint, sie stäched für 60 Prozänt Swissness ii – das isch aber es anders Thema! Me seit, sie welled dämit provoziere! – Provokation isch geil, da mached mer voll mit und schriibed s’hüttige «À propos» genau so provokant. – I de letschte Tage isch’s scho wieder wärmer worde und die erschte Blüemli sind scho duss, wemer uf dem Bildli gsehnd. Hinedraa isch es Feischter vo eusem Büro und hinder dem Feischter, da spriesst’s au scho heftig fürs «Twice». – Doch öbs langet zum provoziere, wämmer’s eifach uf schwiizertütsch schriibed, bezwiifled mer!
